Ipinag-utos na ni Land Transportation Office (LTO) Chief Roberto Cabrera ang pagsibak sa ilang empleyado na posibleng sangkot sa pagkawala ng license plate materials na nagkakahalaga ng apat na milyong piso.
Ginawa ni Cabrera ang direktiba kasabay ng pag-uutos na imbestigahan ang usapin dahil sa hinalang nabawasan na ang mga materyales bago naganap ang umano’y pagnanakaw.
Una nang inatasan ni Cabrera ang mga regional director na magsagawa ng imbentaryo ng mga plaka at driver’s license cards sa gitna ng kakapusan sa suplay na dulot ng mga hindi naaprubahang kontrata.
By Jelbert Perdez
