Muling umapela si Pangulong Benigno Aquino III sa Kongreso na ipasa na ang panukalang Salary Standardization Law o SSL-4.
Ito’y para maging tuluy-tuloy na madagdagan ang take home pay ng mag kawani ng gobyerno.
Sa kanyang talumpati sa ika-119 na anibersaryo ng Philippine Army, sinabi ng Pangulo na sa ganitong paraan, maitataguyod ng mga mambabatas ang kapakanan ng lahat ng kawani ng pamahalaan.
Bagama’t 100 araw na lamang ang nalalabi sa panunungkulan ng Pangulong Aquino, kanila pa ring isinulong ang pagbibigay ng provisional allowance sa mga pulis at sundalo.
Dagdag pa ng Pangulo, malayo na ang narating ng hukbong sandatahan ng bansa at umaasa siyang ipagpapatuloy ng susunod na administrasyon ang mga pagbabago at repormang kanyang nasimulan.
By Jaymark Dagala | Aileen Taliping (Patrol 23)
