Dagsa na ang mga turista sa iba’t ibang tourist destination sa bansa ngayong Semana Santa gaya ng sa isla ng Boracay.
Ayon sa Tourist Assistance Center ng Boracay, inaasahang nasa 50,000 turista ang inaasahan nilang magbabakasyon sa isla ngayong Holy Week.
Marami sa mga turista ay nitong weekend pa nagsimulang mag-check in sa mga resort at hotel sa Boracay.
Bilang paghahanda naman sa inaasahang pagdagsa ng mga turista, dinagdagan na ang mga naka-deploy na pulis, sundalo at mga tauhan ng Philippine Coast Guard at Philippine Red Cross.
Noong 2013, pumalo sa 40,000 turista ang nagbakasyon sa Boracay.
By Ralph Obina
