Muling tiniyak ng Department of Agriculture o DA na nananatiling matatag ang suplay at presyo ng karneng baboy sa bansa.
Ito’y sa kabila ng panawagang limang araw na ‘pork holiday’ ng Samahang Industriya ng Agrikultura o SINAG.
Naniniwala si Agriculture Undersecretary Jose Reaño na walang epekto sa mga hog farmers ang bantang ito ng SINAG na nag-ugat sa isyu ng smuggling.
Umaasa naman si Reaño na hindi itutuloy ng mga magbababoy ang ‘pork holiday’ dahil lubhang maaapektuhan ang mga maliliit na hog raisers.
By Jelbert Perdez
