Balik-normal na ang biyahe ng MRT-3 matapos ang aberya dakong alas sais kaninang umaga dulot ng pumalyang signalling system sa southbound ng Santolan at Ortigas stations.
Pansamantalang binagalan ang takbo ng tren sa 40 kilometers per hour, kaya’t humaba ang pila ng mga pasahero, kaya’t ilan sa kanila ang bumaba ng mga istasyon at naghanap ng ibang masasakyan.
Mag-a-alas siyete naman kanina nang magresolba ng pamunuan ng MRT-3 ang problema.
Samantala, humingi na ng paumanhin ang DOTr maging ang MRT-3 sa mga pasaherong naperwisyo kasabay ng rush hour kanina.
