Nanawagan si Akbayan Party-list Rep. Percival Cendaña kay Pangulong Ferdinand Marcos Jr. na sertipikahang urgent ang panukalang 200 pesos legislated wage hike.
Ayon kay Cong. Cendaña, dapat maramdaman ng mga manggagawang Pilipino ang benepisyo ng pagiging upper-middle-income country ng Pilipinas batay sa pinakahuling klasipikasyon ng World Bank.
Iginiit ng kongresista na walang saysay ang sinasabing pag-unlad ng ekonomiya kung nananatiling kulang ang sahod ng mga manggagawa.
Binigyang-diin ni Cong. Cendaña na hindi rin sapat ang ipinatupad na 85 pesos na dagdag sa arawang minimum wage sa National Capital Region upang matugunan ang tumataas na gastusin ng mga Pilipino.—sa panulat ni Jordan Gutierrez
