Aabot sa siyam hanggang labintatlong bagyo ang papasok sa Philippine Area of Responsibility mula ngayong buwan hanggang Nobyembre ng kasalukuyang taon.
Ito’y sa kabila ng umiiral na El Niño phenomenon na na-monitor sa Pacific Ocean.
Ayon kay PAGASA chief Analiza Solis, inaasahang makakaranas ang karamihan sa mga bahagi ng bansa ng near-normal rainfall conditions o halos normal na dami ng ulan mula ngayong buwan hanggang Setyembre.
Gayunman, sa buwan ng Hulyo hanggang Agosto, posibleng makaranas ng above-normal rainfall ang kanlurang bahagi ng Pilipinas.
Sa Oktubre naman, inaasahan ang near-normal hanggang below-normal rainfall conditions sa karamihan ng mga lugar sa bansa.
Habang sa Nobyembre, tinatayang makakaranas ng way-below-normal rainfall ang malaking bahagi ng Luzon, habang ang nalalabing bahagi ng bansa ay posibleng magkaroon ng below-normal rainfall conditions.
Inaasahang tatamaan ng malakas na pag-ulan ang Northern Luzon, Central Luzon, Bicol Area, ilang bahagi ng Visayas, at Northern Mindanao.—sa panulat ni Jordan Gutierrez
