Bukas pa rin ang Bureau of Immigration sa posibilidad na nakalabas na ng bansa si Senador Ronald “Bato” dela Rosa.
Ayon kay BI Spokesperson Dana Sandoval, matapos ang pagtakas ni Senador dela Rosa sa Senado, may tyansang dumaan na ito sa backdoor exits tulad ng mga liblib na pantalan.
Paliwanag ng opisyal, palagi na nilang isinasaalang-alang ang mga ganitong anggulo sa mga kaparehong sitwasyon.
Gayunman, tiniyak ng BI na nananatili silang nakabantay sa mga sinasabing illegal migration corridors ng bansa, katuwang ang Philippine National Police, Philippine Coast Guard, at mga lokal na pamahalaan.
Sa kasalukuyan, wala pa namang naitatalang record ang BI hinggil sa posibleng paglabas ng bansa ni Sen. dela Rosa.
