Pinagbawalang ipalipad ng Philippine Air Force ang lahat ng Marchetti SF-260 trainer aircraft nito matapos bumagsak ang isa sa mga naturang eroplano sa Tuba, Benguet.
Nasawi sa pagbagsak sina 1Lt. Ruth Angelique Pasos at 2Lt. Cherky Embudo.
Matatandaang 18 unit ng naturang eroplano ang nabili ng Air Force noong 2011, at isa sa mga ito ang bumagsak na noong 2015, na ikinasawi nina Capt. John Bayao at 1Lt. Nazer Jana.
Samakatuwid, grounded ang natitirang 16 na SF-260 trainer plane ng Hukbong Himpapawid habang isinasagawa ang imbestigasyon tungkol sa insidente.—sa panulat ni Anjo Riñon
