Nilinaw ng Office of the Solicitor General (OSG) na walang legal na hadlang sa pagpapatupad ng arrest warrant ng International Criminal Court (ICC) laban kay Senador Ronald “Bato” Dela Rosa.
Ito ay matapos tanggihan ng Korte Suprema ang hiling na temporary restraining order (TRO) ng senador.
Ayon sa OSG, ipinapakita ng desisyon ng Supreme Court na walang sapat na basehan, upang pigilan ang pagpapatupad ng ICC warrant, kabilang din sa mga tinanggihang kahilingan ng senador ang “status quo ante order at writ of preliminary injunction.”
Sa ngayon, sinabi ng Malacañang na nasa Department of Justice na ang pagbusisi at interpretasyon sa naging pasya ng Korte Suprema.
Samantala, sinabi ni ICC Assistant to Counsel Kristina Conti, na maaari nang ipatupad ng mga otoridad ang warrant laban kay Dela Rosa dahil sa naging aksyon ng Korte Suprema. —sa panulat ni Reabelle Medina
