Posibleng bahagyang sumirit ang presyo ng ilang pangunahing bilihin sa bansa, bunsod ng patuloy na pagtaas ng gastos sa krudo at transportasyon dulot ng tensyon sa Middle East.
Ayon kay Department of Trade and Industry (DTI) Secretary Cristina Roque, nasa 68% ng mga produktong mino-monitor ng ahensya ang nananatiling walang pagtaas sa presyo.
Gayunman, may ilang piling produkto at brand na humihirit ng minimal na dagdag-presyo.
Kabilang sa mga produktong posibleng magmahal ang de-latang sardinas, canned meat, ilang processed milk products, at piling instant noodles.
Sa ngayon, patuloy na nire-review ng ahensya ang kahilingan ng mga manufacturers bago maglabas ng updated suggested retail price.
Samantala, tiniyak naman ng DTI, na sapat pa rin ang supply ng mga pangunahing bilihin at wala pang napag-uusapang pagtaas sa presyo ng tinapay at iba pang staple food products. —sa panulat ni Reabelle Medina
#DWIZ #DWIZNews #Aliw23
