Nakikita ng Malacañang na isang magandang hakbang ng kontratistang si Sara Discaya ang ginawa nitong boluntaryong pagsuko sa NBI o National Bureau of Investigation kamakailan, kahit nabalitaan pa lamang nito na siya ay magkakaroon ng warrant of arrest.
Ayon kay Palace Press Officer Undersecretary Claire Castro, na batay sa itinatakda ng batas, maaari itong maging factor para mabawasan ang bilang ng taong pagkakakulong ng isang nasentensyahan na nagboluntaryong isumiti ang kanyang sarili sa mga otoridad. Pati anya ang admission of guilt na panahon pa lamang ng arraignment ay may bigat para makabawas sa bilang ng taon na bubunuin nito sa kulungan kung sakali man.
Kung ang hakbang ni Discaya ay bunga ng payo ng kanyang abogado, sinabi ni Usec. Castro na isa anya itong magandang advice. Ito’y kahit payo naman sa iba na sa halip na magpayong sumuko na at huwag nang pahirapan ang mga otoridad ay nagpapayong “never surrender.”
—Sa panulat ni Daniela De Guzman
