Tiniyak ng Department of Social Welfare and Development o DSWD na sapat ang nakahandang tulong para sa inaasahang epekto ng Tropical Depression Verbena sa iba’t ibang bahagi ng bansa.
Ayon kay DSWD Assistant Secretary Irene Dumlao, mahigit isang milyong family food packs o FFPs na ang naka-preposition bago pa man sumama ang panahon.
Tuloy-tuloy din anya ang repacking operations sa Luzon at Visayas Disaster Resource Center para ma-replenish ang mga naipamigay na food packs sa mga nagdaang bagyo.
Bukod pa rito, nakikipag-ugnayan na rin anya ang mga field office ng DSWD Bicol Region, Eastern Visayas, Central Visayas, Northern Mindanao at Caraga sa mga lokal na pamahalaan upang matiyak na may sapat na supply ng relief goods sa mga lugar na posibleng tamaan ng Bagyong Verbena.
