Mayorya ng mga Pilipino ang hindi nasisiyahan sa mga pagsisikap na ginagawa ng administrasyong Marcos na labanan ang katiwalian sa bansa.
Batay sa isinagawang survey ng Pulse Asia mula September 27 to 30, 69% ng mga Pilipino ang sinasabing “dissatisfied” sa administrasyon, na mas mataas ng 19 points mula sa 50% noong Hunyo.
Samantala, nasa 17% lamang ang pabor sa aksyon ng pamahalaan na bumaba rin mula sa dating 28 percent.
Habang undecided naman ang natitirang 15% na bumaba rin mula sa dating 21 percent.
Sa parehong survey, nakita naman na nangungunang alalahanin ng mga Pinoy ang paglabang ng pamahalaan sa graft and corruption.
Habang sa pangkalahatan naman, bumaba ang satisfaction ng mga Pinoy sa paghawak ng administrasyon sa mga piling national issues sa third quarter ng taon.
Kabilang sa may pinakamalaking pagbagsak ang pagtugon ng pamahalaan sa mga pangangailangan ng mga lugar na apektado ng mga kalamidad, ang isyu sa pagbibigay tulong sa mga magsasaka, ang pagdepensa sa teritoryo ng Pilipinas, pagpigil sa pagkasira ng kapaligiran, at ang pagtataguyod sa kapayapaan.
