Kinumpirma ni Justice Secretary Jesus Crispin Remulla na nakahanda si dating Department of Public Works and Highways Bulacan 1st District Engineer Henry Alcantara na ibalik ang sinasabing mga nakuha nitong pera mula sa maanomalyang flood control projects.
Kasunod ito ng unang hakbang ng Department of Justice sa pagproseso ng sinumpaang salaysay ni dating 1st District Engineer Alcantara sa kahilingang isailalim siya sa Witness Protection Program.
Ayon kay Secretary Remulla, batay sa inisyal na pag-uusap nila ni Alcantara, sang-ayon ito sa pagsasauli ng pera.
Magugunitang nagsalita na si dating District Engineer Alcantara kaugnay sa mga opisyal ng pamahalaan na sinasabing sangkot sa maanomalyang flood control projects.
