‘Wala akong niyuyurakan’
Iyan ang iginiit ni Senator Imee Marcos kaugnay sa kanyang mga naging pahayag sa botohan para i-archive ang articles of impeachment laban kay Vice Pres Sara Duterte.
Ayon kay Sen. Marcos, ang kanyang naging patutsada sa lider ng Kamara ay hindi lihis sa usapin ng impeachment dahil sa nagsimula sa mababang kapulungan ang gulo sa politika na bunga aniya ng ambisyon ng isang “dambuhalang sanggol” na ang pinatutungkulan ay si Speaker Martin Romualdez.
Binigyang-diin din ni Sen. Marcos na hindi bawal ang kanyang pahayag at nagsasabi lamang siya ng totoo at wala rin naman siya anyang minura.
Pabiro pang sinabi ng senadora na marami siyang apelyido ngayon pwera lang muna sa Romualdez kaya humihingi siya ng paumanhin sa kanyang ina.
