Kumpiyansa si Senate Committee on Public Order and Dangerous Drugs Chairman Ronald Bato dela Rosa na tatalima ang karamihan ng mga Senador sa ruling ng Korte Suprema kaugnay sa impeachment ni Vice President Sara Duterte.
Sinabi ito ni Senador dela Rosa, sa panayam ng DWIZ, sa gitna ng nalalapit na itinakdang petsa, Agosto a-sais, para sa botohang isasagawa sa Senado upang matukoy kung ipagpapatuloy pa ba ang impeachment ni V.P. Sara.
Tulad ng inaasahan, nanindigan ang mambabatas na hindi niya lalagdaan ang sinasabing resolusyon na ipinaikot sa Senado, sakali mang umabot sa kanya ito.
