Ilan sa mga magsasaka mula sa Kananga, Leyte na sasailalim sa KSK Farming Program.
Isang daan at dalawampung magsasaka ang kabilang sa bagong batch ng Kabalikat sa Kabuhayan (KSK) Farming Program ng SM Foundation.
Sila ay sasailalim sa 14-linggong training na nakatuon sa modernong paraan ng pagsasaka, pagtatanim ng high-value crops, at mga kaalaman sa pagnegosyo. Kabilang din dito ang values formation na hango sa buhay ni Henry Sy, Sr.
Layunin ng programa na palakasin ang kakayahan ng mga magsasaka at bigyan sila ng access sa merkado sa tulong ng suporta ng SM Group.
Katuwang ng SM Foundation sa programa ang SM Supermalls, SM Markets, at iba pang social good partners. Nagsimula ang KSK noong 2007. Simula noon, mahigit 32,000 na ang nagtapos sa nasabing programa.
Ang mga magsasakang kalahok sa programang KSK ng SM Foundation ay dadalo rin sa mga pagsasanay na naglalayong ituro ang mahahalagang prinsipyo ng negosyo at epektibong mga teknik sa marketing, upang mapalakas ang kanilang mga kabuhayan.
