Pinag-aaralan ng Department of Health ang pagkakaroon ng online consultation system para sa mga pasyente ng mpox sa buong bansa.
Ayon kay Health Spokesman at Assistant Secretary Albert Domingo, tinitignan ng departamento ang pagtatatag ng isang virtual consultation mechanism sa pakikipag-ugnayan sa Philippine Dermatological Society.
Binigyan-diin ni Asec. Domingo, magiging bahagi ito ng kanilang patuloy na paghahanda para sa isang pambansang sistema ng pagtugon para sa nasabing sakit.
Samantala, nanawagan naman ang DOH sa mga lokal na pamahalaan na makipag-ugnayan muna sa mga kinauukulang ahensya at tiyakin na may sapat na scientific evidence, bago magdeklara ng outbreak sa kani-kanyang mga lugar.
