Inaasahan ng Philippine National Police na walang maitatalang insidente ng ligaw na bala hanggang sa pagdiriwang ng bagong taon.
Ayon kay PNP Public Information Office Chief at Spokesperson Police Colonel Jean Fajardo, hanggang noong Miyerkules, ika-27 ng Disyembre ay wala pang naiuulat na biktima ng ligaw na bala para sa holiday season.
Gayunpaman, mahigit 60 insidente ang naitala ng PNP kaugnay sa Oplan Ligtas Paskuhan 2023 na kinabibilangan ng ‘illegal discharge of firearms’, ‘illegal possession and sale of firecracker’, mga napinsala at sunog dahil sa paputok.
Sa nabanggit na bilang ay 18 katao ang nahuli, 5 baril ang nakumpiska, 18 ang nasugatan habang 2 naman ang nasawi. - sa panulat ni Laica Cuevas
