Muling nagkaaberya ang biyahe ng Light Rail Transit (LRT) Line 1, kanina.
Pasado alas-12:00 ng tanghali nang i-downgrade ng LRT-Authority ang operasyon nito sa ilang istasyon ng line 1 dahil sa technical problem.
Ayon sa LRTA, ipinatupad nila ang provisional operation mula Gil Puyat hanggang Roosevelt Station at pabalik bunsod ng kawalan ng power supply sa mga train cable.
Bagaman daan-daang pasahero ang na-stranded, agad namang ibinalik ang operasyon dakong ala-1:00.
Samantala, wala pang opisyal na pahayag ang pamunuan ng LRT hinggil sa panibagong aberya.
By Drew Nacino
