Inilabas na ng Land Transportation Office (LTO) ang show cause order laban sa may ari ng driver at driver ng SUV na kumaladkad sa 12 sasakyan sa One San Miguel Avenue, Mandaluyong City.
Nakatakda namang ipatawag ng Intelligence and Investigation Division (IID) ang may-ari ng SUV maging ang 2 sinasabing drayber sa Enero 16.
Pinagpaliwanag ng LTO ang mga ito kung bakit hindi sila dapat patawan ng parusa at bawian ng driver’s license.
Kasabay nito, iniutos na rin ng IID ang suspensyon ng 90 araw at pagsusuko ng lisensya ng 2 drayber.
Ito’y para hindi makapagmaneho habang nagpapatuloy ang imbestigasyon sa naturang insidente.
