Natagpuang patay ang dalawang empleyado ng Philippine Offshore Gaming Operator (POGO) sa Daang Hari Road, Barangay Pasong Buaya, Imus, Cavite.
Ito ang pinaniniwalaang biktima ng Kidnap-for Ransom Scheme.
Ayon kay Imus City Police chief Police Lt. Col. Jun Alamo, nag-demand ang mga suspek sa dalawang biktima na magbayad ng P2.4-M pero nabigo silang magbigay ng ransom kaya ito ay pinatay.
Ayon kay Col. Alamo, natunton ang white luxury van na ginamit ng suspek sa pagbiyahe ng mga katawan ng dalawang biktima sa tulong ng witness.
Kinilala ang suspek na si Mark Anthony Cerudo, umano’y driver ng van.
Nahaharap sa murder charges si Cerudo, habang patuloy pang iniimbestigahan ng mga otoridad ang nangyaring krimen.
Samantala, nakarating na sa China ang labi ng mga biktima. —sa panulat ni Jenn Patrolla
