Nakapagtala ang Department of Health ng 1,306 na bagong kaso ng Covid-19 na nagtulak sa 18,910 ang active tally sa bansa.
Ito na ang ikatlong araw na sunod-sunod na mahigit 1,000 kaso ng Covid-19 na nagtulak sa nationwide tally sa 4,054,159.
Sa ngayon, may pinakamataas na kaso ang National Capital Region sa nakalipas na dalawang linggo na may 5,830.
Sinundan naman ito ng CALABARZON na may 2,457, Central Luzon; 1,189, Western Visayas; 713 at Cagayan Valley; 710.
Umakyat naman 3,970,254 ang recovery tally sa bansa. —sa panulat ni Jenn Patrolla
