Aabot sa P2.65 million na halaga ng cocaine at iba pang items ang nasamsam sa ikinasang operasyon ng mga tauhan ng Bureau of Customs (BOC) sa Taguig City.
Katuwang ng BOC agents ang mga tauhan ng Philippine Drug Enforcement Agency (PDEA), at National Intelligence Coordinating Agency sa pagsalakay sa isang storage facility ng isang industrial park.
Nabatid na nasa limandaang gramo ng cocaine, kush vape cartridges na mayroong marijuana oil at iba pang mga drug paraphernalias ang nakumpiska ng mga otoridad sa nabanggit na lugar.
Samantala, nakuha rin ang P149.6 million na halaga ng iligal na droga sa isang drug buy-bust operation sa kaparehong lungsod.
Ayon kay Customs Commissioner Yogi Filemon Ruiz, ang pakikipagtulungan ng mga ahensya ng gobyerno ay malaking tulong sa pagbibigay ng mabilis na pagresponde at pagsugpo sa iligal na droga lalo na sa smuggling.
