Pagkakataon na ni Pangulong Ferdinand Bongbong Marcos Junior ang pagdalo sa Asia-Pacific Economic Cooperation (APEC), upang mailatag ang economic agenda at priorities ng bansa.
Ito ang sinabi ni Cheloy Garafil, Officer-In-Charge at Undersecretary ng Office of the Press Secretary kasabay ng pagtungo sa Thailand ni Pangulong Marcos.
Ayon kay Garafil, kabilang sa ilalatag ng pangulo ang kahalagahan ng Micro, Small at Medium Enterprises na maisama sa global value chains at lumawak ang papel sa larangan ng pagnenegosyo.
Una rito, sinabi ni Pangulong Marcos na kailangang maalalayan ang MSMEs at mabigyan ng pagkakataong makapasok sa digital world.
Maliban sa MSMEs, inaasahang bibigyang diin din ni PBBM ang maritime crews at seafarers gayundin ang pagtiyak sa food and energy security at climate change mitigation and adaptation.
