Aabot sa 120 Philippine Coast Guard (PCG) personnel, ang lumahok sa ikinasang bloodletting drive ng Coast Guard Special Operations Force (CGSOF).
Ayon kay CGSOF Commander Commodore Edgardo Hernando, ang naging partisipasyon ng mga tauhan ng PCG, ay makatutulong para sa mga pasyente na nangangailangan ng blood transfusions.
Pinasalamatan naman ng opisyal, ang mga volunteer mula sa PCG, PCG Auxiliary, Serving Heart Inc., at Unihealth – Sta. Rosa na sumuporta sa humanitarian initiative kasabay ng paggunita ng ika-50th founding anniversary ng CGSOF.
