Bumilis ang galaw ng presyo ng mga pangunahing bilihin sa nakalipas na buwan.
Ito ayon sa Philippine Statistics Authority (PSA) ay matapos maitala sa 7.7% ang inflation rate sa buwan ng Oktubre kumpara sa 6.9% nuong Setyembre.
Ang October inflation rate ay itinuturing na pinakamataas sa nakalipas na halos 14 na taon o nuong December 2008 kung kailan nai-record sa 7.8% ang inflation rate.
Sinabi ng PSA na ang inflation rate sa nakalipas na buwan ay pasok pa rin sa pagtaya ng BSP na nasa 7.1% hanggang 7.9%.
Inaasahang mataas pa rin ang inflation rate o mas mataas sa target ng gobyerno ng 2% hanggang 4% hanggang sa pagtatapos ng taong ito.
