Nagpasalamat ang aktres na si Sunshine Cruz sa mga taong umintindi at natuwa sa kanilang “blended family.”
Ito’y matapos umani ng iba’t-ibang komento mula sa mga netizen ang litrato na ipinost sa kaniyang Instagram account kung saan, kasama niya ang pamilya ng dating asawa at aktor na si Cesar Montano.
Marami ang natuwa dahil sa maayos na pakikitungo ni Sunshine sa bagong asawa ni Cesar na si Maria Socorro Angeles at tatlong anak na sina Sam, Liam, at Kristen.
Kasama naman ni Sunshine ang anak kay Cesar na sina Samantha, Chesca, at Angelina na nagdiwang ng ika-21 niyang kaarawan.
Bukod pa dito, kasama din nila si Diego Loyzaga na anak din ni Cesar kay Teresa Loyzaga.
Dahil dito, hinangaan ng mga netizen ang dalawa dahil kinalimutan nila ang bad memories o mga panget na kanilang pinagdaanan sa buhay at mas pinili nalang na magkaayos at maging masaya para sa kanilang mga anak.