Iginiit ni Senator Risa Hontiveros na dapat pagbawalang makapagturo ang mga manyak na guro sa mga eskwelahan.
Ayon kay Sen. Hontiveros, walang lugar sa bansa ang mga gurong paulit-ulit na nasasangkot sa kaso ng pang-aabuso at pangmomolestiya sa kanilang mga estudyante.
Sinabi ng senadora, na walang malulutas na problema kung hahayaan lang na magpalipat-lipat ng paaralan ang mga abusadong guro.
Dagdag pa ni Hontiveros, hindi dapat pinahihintulutang makasama ng mga bata ang mga gurong nasanay na sa panghaharass at hindi nananagot sa batas.
