Nagdesisyon na ang pamilya ni Jeneven Bandiala, nasawing security guard ng Ateneo de Manila University, na i-uwi na lang ang labi nito sa Lopez Jaena, Misamis Occidental.
Tiniyak naman ng Megaforce Security Services Corporation na sasagutin nila ang lahat ng gastusin sa burol at transportasyon ni Bandiala.
Maliban sa P100-K na tulong na ipinaabot ng Megaforce, tatanggap rin ng insurance ang pamilya ni Bandiala.
Samantala, magsasagawa naman ng misa ang Ateneo para sa pinaslang na security guard, alas-11 ng umaga sa Loyola Schools Chapel, Loyola Campus na pangungunahan ni Fr. Roberto Yap, sa Biyernes.
