Makakaranas ng maaliwalas na panahon ang buong bahagi ng Luzon partikular na sa Metro Manila maliban na lamang sa mga isolated rain showers o thunderstorm sa hapon hanggang sa gabi.
Ayon kay Pagasa weather specialist Raymond Ordinario, asahan na mas magiging madalas ang thunderstorm sa kanlurang bahagi ng Luzon dahil parin sa epekto ng hanging habagat.
Asahan parin ang sunod-sunod na mga localized thunderstorm partikular na sa western section ng Luzon habang magpapatuloy naman ang maaliwalas na panahon sa Visayas at Mindanao maliban na lamang sa mga isolated rainshowers o thunderstorms.
Samantala, magdudulot naman ng mga pag-ulan sa malaking bahagi ng Visayas partikular na sa western section nito dahil parin sa epekto ng hanging habagat at localized thunderstorm.
Agwat ng temperatura sa Metro Manila ay maglalaro sa 24 hanggang 33 degrees celsius habang sisikat naman ang haring araw mamayang 5:34 ng umaga at lulubog naman ito mamayang 6:29 ng hapon.