Hinimok ng grupo ng mga mangingisda si Pangulong Ferdinand “Bongbong” Marcos Jr. na itigil ang isang Aerotropolis Project sa Bulacan.
Ito ay matapos i-veto ng pangulong Marcos Jr. ang mga probisyon ng Special Economic Zone ng proyekto ng San Miguel Corp.
Ayon sa Pambansang Lakas ng Kilusang Mamamalakaya ng Pilipinas (PAMALAKAYA) head Fernando Hicap, bago pa man mabigyan ng prangkisa at magsimula ang konstruksiyon ng naturang airport ay nakipagdayalogo na sila sa mga Local Government, PRA, at DENR hinggil sa naturang operasyon.
Sinabi ni Hicap, sapilitang pinapaalis ang mga mangingisda partikular na ang mga naninirahan sa Taliptip, Bulacan.
Iginiit ni Hicap na hindi maaaring ituloy ang kontruksiyon dahil marami ang posibleng maapektuhan ng nasabing proyekto kung saan, mawawalan ng hanap buhay ang mga mangingisda at maaapektuhan ang ibang lugar sa bansa.
