Inihayag ng Philippine Charity Sweepstakes Office (PCSO) na wala paring nakakasungkit sa halos 300 million pesos na jackpot prize sa grand lotto 6/55.
Ito’y matapos hindi mahulaan ng mga bettor ang winning combination number na 07-09-51-02-24-39 na may premyong nagkakahalaga ng 298,452,472 pesos na binola noong Miyerkules ng gabi.
Bukod pa dito, hindi pa rin napapanalunan ang jackpot prize na mahigit 8.9 million pesos sa mega lotto 6/45 matapos ang raffle draw na may winning combination number na 39-10-07-42-36-22.
Dahil diyan, abangan ang susunod na grand lotto 6/55 at mega lotto draw sa Sabado.
Samantala, hinikayat naman ng PCSO ang publiko na patuloy na tangkilikin ang kanilang lotto game dahil baka ikaw na ang susunod na maging milyonaryo.
