All set na ang nasa 38,000 mga paaralan para sa face-to-face classes ngayong School Year 2022-2023.
Ito ayon kay Department of Education (DepEd) undersecretary Nepomuceno Malaluan batay sa assessment ng kagawaran sa kahandaan ng mga pampubliko at pribadong paaralan na ipatupad ang health protocols sa in-person classes.
Kabilang din sa mga requirement para sa face-to-face classes ay ang well-ventilated classrooms at hand-washing facilites.
Nilinaw naman ni Malaluan na tuloy pa rin ang naturang klase kahit nakasailalim sa alert level 2 ang ilang lugar.
