Pinagpapaliwanag na ngayon ang ilang matataas na opisyal ng Commission on Elections (Comelec), kasunod ng pagkaantala ng dapat sanang Presidential at Vice Presidential Townhall Debates na gaganapin ngayong araw at bukas.
Dahil ito sa P14-M utang ng Vote Pilipinas sa hotel venue na Sofitel na pagdarausan sana ng debate.
Ayon kay Comelec Spokesperson James Jimenez, nakatanggap siya at ang iba, ng memorandum mula kay Comelec Commissioner Rey Bulay kung saan pinagpapasa sila ng written explanation sa isyu.
Nagtakda rin ng deadline si Dulay sa memorandum para sa kakailanganing tugon mula sa mga opisyal.
Iniusog na sa Abril a-30 at Mayo a-1 ang townhall debates at ang Kapisanan ng mga Brodkaster ng Pilipinas (KBP) na ang makakatuwang dito.
