Inilarga na ng mga kumpanya ng langis ang ikalawang sunod na linggong tapyas-presyo sa kanilang mga produkto.
Epektibo alas-12:01 kaninang hatinggabi nang ipatupad ng Caltex ang pisong rollback sa kada litro ng gasolina; 35 sentimos sa diesel habang tres pesos sa kerosene.
Mamayang ala-6 ng umaga ipatutupad din ng Petron, Flying V, Phoenix Petroleum, Unioil advisory at PTT Philippines, Shell, Seaoil, Jetti Fuel at Petrogazz ang kahalintulad na price adjustment.
Epektibo alas-4 mamayang hapon naman ilalarga ng Cleanfuel ang kanilang bawas-presyo.
Ang bahagyang rollback sa presyo ng langis ay bunsod ng pagpapalabas ng oil reserves ng bansa.
