Tiniyak ng pamunuan ng Minor Basilica of the Black Nazarene sa Quiapo, Manila na naipatutupad ang health protocols kontra COVID-19 sa loob ng simbahan.
Sa panayam ng DWIZ, sinabi ni Father Douglas Badong, Parochial Vicar ng Quiapo Church, na kahit pinapayagan na ang 100% capacity sa ilalim ng Alert level 1, ay ipinatutupad pa rin nila ang 80% capacity sa loob ng simbahan.
Bagaman hindi hinihikayat ni badong ang mga mananampalataya na lumahok sa mga religious activity, mainam pa rin aniya ang pisikal na pagdalo partikular sa mga misa.
