Hinimok ng Department of Education (DepEd) ang lahat ng magulang na iparehistro na ang kanilang mga anak para sa darating na School Year 2022 – 2023.
Ito’y kasunod ng anunsyo ng DepEd hinggil sa pagsisimula ng early resgitration para sa lahat ng mag-aaral na papasok sa Kindergarten, Grades 1, 7 at 11 simula Marso a-25 hanggang Abril 30.
Kasunod nito, hinikayat din ng Kagawaran ang mga pribadong paaralan na gawin din sa kaparehong petsa ang kanilang early registration para sa kanilang mag-aaral sa kaparehong antas.
Gayuman, nilinaw ng DepEd na hindi naman na kailangan pa ng early registration para naman sa mga papasok sa Grades 2 hanggang 6, Grades 8 hanggang 10 gayundin sa Grade 12.
- ulat mula kay Jaymark Dagala (Patrol 9)
