Halos isandaang katao ang sugatan sa nangyaring banggaan ng dalawang tren sa Tunisia.
Ayon sa awtoridad, naganap ang aksidente bandang alas-9:30 ng umaga oras sa Pilipinas, sa bahagi ng Jbel Jelloud.
Tiniyak naman ni civil defense spokesman Moez Triaa na wala namang nasawi sa aksidente at isa lamang sa mga tren ang may sakay na mga pasahero.
Karamihan aniya sa mga nasugatang indibidwal ay nagtamo ng pasa at fractures.
Sinabi naman ng awtoridad na hindi pa malinaw kung ano ang sanhi ng aksidente at patuloy pa nila itong iniimbestigahan.
