Magpapadala ng karagdagang mga armas sa Ukraine ang Germany kasunod ng ginawang pag-atake ng Russia.
Matatandaang nangako ang Germany na magbibigay lamang ng mga helmets at nag-alok na tutulong sa pagtatayo ng field hospital sa Ukraine.
Ayon sa Germany’s Government, aabot sa 2,700 ang ipapadalang strela-type anti-aircraft missiles sa Ukraine na gawa umano ng Soviet Union na dating ginamit ng hukbo ng mga komunista sa East Germany.
Una nang nagpadala ng isang libong anti-tank at limandaang anti-aircraft missiles ang Germany bilang suporta sa Ukraine laban sa pananakop ng Russian Miltary Forces. – sa panulat ni Angelica Doctolero
