Dumating na sa Pilipinas ang karagdagang 1,138,430 doses ng Pfizer covid-19 vaccines, na donasyon ng gobyerno ng Australia sa pamamagitan ng United Nations Children’s fund.
Ayon sa National Task Force against Covid-19, lumapag ito sa Ninoy Aquino International Airport Terminal 3 dakong alas-nuwebe ng gabi.
Pinasalamatan naman ni NTF against Covid-19 Medical Consultant Dr. Maria Paz Corrales ang dumating na donasyon na magagamit ng bansa sa pagbabakuna.
Hanggang kahapon, 3 milyon lamang sa kabuuang 5 milyong target na bakunang iturok ang naabot ng gobyerno para sa ‘bayanihan, bakunahan 3′.
Habang hindi pa rin naaabot ang 90% ng populasyon mababakunahan. —sa panulat ni Abby Malanday
