Arestado sa Entrapment Operation ng otoridad ang isang Liberian citizen sa Pasay City dahil sa online scam.
Batay sa imbestigasyon ng NCR Police Office, nahuli si Jerry Jefferson alyas ‘James Bobby Harries’, 42 anyos na umano’y lider ng international online scam syndicate na may operasyon sa Pilipinas at ibang bansa.
Batay sa reklamo ng nabiktimang retiradong piloto, inalok siya ng grupo ng nasabing sindikato na mamuno sa isang humanitarian project sa Pampanga kapalit ng bayad na tatlong daang libong dolyar ($300K) at halos tatlong daang libong Euro (290K Euro).
Dagdag pa ng biktima nagbigay siya ng limang milyong piso matapos na manghingi ng pera ang grupo ng suspek.
Kabilang sa nasabat ng otoridad kay jefferson ang labing limang bugkos ng pekeng us dollar bills na nagkakahalagang mahigit isang daang libong dolyar ($150K).
Nahaharap namn ang suspek sa kasong syndicate Estafa habang pinaghahanap ang walo pang itinuturong kasabwat niya.—sa panulat ni Airiam Sancho