Aabot na sa 24,131 kabuuang bilang ng mga Pilipino sa abroad na tinamaan ng COVID-19.
Batay sa datos mula sa Department of Foreign Affairs (DFA), 171 ang naitalang bagong kaso ng mga Pilipinong nahawaan ng virus.
Nadagdagan naman ng 42 ang bilang ng mga gumaling kung kaya’t umakyat na sa 14,227 ang total recoveries habang nadagdagan naman ng isa ang bilang ng mga nasawi kung kaya’t umabot na sa 1,428 ang death toll.
Ayon sa DFA, mula sa 103 bansa at teritoryo ang mga naitalang COVID-19 cases sa mga pilipino abroad. —sa panulat ni Hya Ludivico
