Umakyat na sa 150 ang kabuoang bilang ng mga nasawi sa malawakang pagbaha dahil sa walang tigil na malalakas na pag-ulan sa Nepal.
Nasira rin ang ilang mga gusali, bahay, tulay at mga imprastraktura sa nasabing lugar dahilan para mai-stranded ang ilang mga residente.
Ayon sa mga tauhan ng National Disaster Response Force (NDRF), inilikas na sa pinaka ligtas na lugar ang mga residenteng apektado ng pagbaha.
Sa ngayon, nasa 49 na lugar na ang apektado ng malawakang pagbaha habang tiniyak naman ng Nepal government ang tulong pinansiyal na kanilang ipamamahagi sa mga residente.—sa panulat ni Angelica Doctolero
