Pananagutin ng Department of Labor and Employment (DOLE) ang mga kumpaniyang nagpapatupad ng “no vaccine, no salary scheme.”
Ayon kay Labor Usec. Benjo Benavidez, labag sa batas ang pagpapatupad ng naturang polisiya kung saan, ang non-payment of wages at withholding of wages ay isang administrative proceeding na nasa hurisdiksyon ng kanilang ahensya kung saan, mayroon itong criminal liability at may kaakibat na multa at parusang pagkakakulong.
Sa ngayon, nakikipag-ugnayan na ang DOLE sa trade union congress of the philippines, upang matukoy kung anong mga kompanya ang nagpapatupad ng “no vaccine, no salary scheme.”—sa panulat ni Angelica Doctolero
