Bumagsak habang dumadaan sa bahagi ng east of Luzon ang Australian MH60R Sea Hawk Helicopter kagabi.
Ito ang kinumpirma ni Armed Forces of the Philippines Spokesperson Col Ramon Zagala.
Aniya tatlo ang sakay ng nasabing helikopter na nakaligtas sa pagbagsak matapos agad ma rescue ng barko ng Royal Australian Navy na HMAS Brisbane.
Sa ngayon ayon kay Col Zagala, nakikipag ugnayan na sila sa Australian counterparts para iparating na handang tumulong ang AFP kung kinakailangan.
Batay sa nakuhang report ng AFP sa Royal Australian Navy, nagsasagawa ng navy to navy engagements kasama ang iba mga nations sa Southeast at Northeast Asia nang mangyari ang pagbagsak. —sa ulat ni Jaymark Dagala (Patrol 9)
