Idinipensa ng Department of Budget and Management (DBM) ang pagkakadiskubre ng Commission on Audit (COA) na tuloy pa rin ang pagpapalabas nito ng pork barrel funds.
Sa kabila ito ng ruling ng Korte Suprema na nagsasabing iligal ang nasabing pondo.
Ayon sa sulat ni Budget Secretary Florencio Butch Abad, sinabi nitong hindi pa nareresolba ng High Tribunal ang kanilang motion for clarification nang mamahagi sila ng NCA’s o Notice of Cash Allocations.
Wala rin aniyang nakasaad sa naunang desisyon ng Korte Suprema na nagbabawal para mag re issue ng NCA’s na nag-expire o nag-lapse na.
Batay sa findings ng state auditors, nasa P15 million pesos na PDAF ang nai-release ng DBM kahit may ruling na ang SC laban dito.
By Judith Larino
