Handang kumandidatong “independent” sa 2022 national elections si senador Manny Pacquiao at hindi sa ilalim ng PDP-Laban kung magkagipitan sa gitna ng hidwaan sa loob ng kanilang partido.
Ito’y makaraang mag-file ng magkahiwalay na sworn information update statements ang magkaibang paksyon ng PDP-Laban ngayong buwan.
Ayon kay Ron Munsayac, executive director ng PDP-Laban Pacquiao wing, handa na ang senador na sumabak sa pagiging independent candidate bilang patunay sa tibay ng prinsipyo nito.
Hindi aniya maaaring maghain ng Certificates of Nomination and Acceptance, na kailangan upang tumakbo sa partido, ang paksyong hindi aprubado ng Comelec.
Gayunman, hindi idinetalye ni Munsayac kung anong posisyon ang target ni Pacman lalo’t wala pa itong pinal na desisyon. —sa panulat ni Drew Nacino
