Kinwestyon ng ilang mga senador ang pagkakatalaga kay Christopher Lloyd Lao bilang pinuno ng Department of Budget and Management – Procurement Service (DBM-PS) noong nakaraang taon.
Tanong ng mga senador kung papaanong nakuha ni Lao ang posisyon nito at kung sino anila ang nagrekomenda sa kanila.
Sagot ni Lao, walang sinumang nagrekomenda sa kanya at sa halip ay siya mismo ang nag-apply sa posisyon.
Pero sa tingin ni Senador Ping Lacson, ay posible ngang nag-aaply si Lao dahil sa paniniwala nito na mababakante dahil hindi kwalipikado sa posisyon ang kanyang predecessor dahil wala itong hawak na master’s degree.
Kung eto man ay totoo ani Senadora Risa Hontiveros, mayroon aniyang maituturing na ‘inside information’ para malamang magkakaroon ng vacancy sa ahensya.
Mababatid na bago naging undersecretary ng Budget Department si Lao, ay naging presidential management staff, at iba pang posisyon sa pamahalaan.
